Li qada Tehrîr a paytexta Iraq Bexdayê, bi sedan cotkarên ji Başûrê Kurdistanê û wîlayetên cuda yên Iraqê li hev kom bûn û bi çalakiyekê daxwaza mafê xwe kirin. Cotkar dixwazin xerca genimê wan ê salên bihurî were dayîn, nirxê genim were diyarkirin û rêjeya wergirtina genim jî diyar bibe.

Cotkar bi vê daxwazê ber bi pira Komarî û derdora Herêma Kesk meşiyan û demekê jî rê li trafîkê girtin.

Di çalakiyê de bang li hikumet û Wezareta Darayî hate kirine ku pereyê genimê salên bihurî were dayîn.

Cotkaran diyar kirin ku ji ber ku pereyê genimê salên bihurî nehatiye dayin, bandorek nerênî li ser sektora çandiniyê û jiyana bi hezaran malbat çêdike.

Cotkaran xwestin ku hikumet alîkariyê bide cotkarên ku ziyanê dîtine û girîngiyê bidin berhemên navxweyî.